Ինչպես ձերբազատվել աչքերի հոգնածությունից. 1in.am

Nashamama.com-ը ներկայացրել է մի շարք խորհուրդներ՝ աչքերի հոգնածությունից արագորեն ձերբազատվելու համար։ Ներկայացված խորհուրդները կարելի է կատարել առանց սեղանից վեր կենալու, որպեսզի երեկոյան աչքերը չլինեն կարմրած, հոգնած, երբեմն նաև՝ գլխացավ։

• Նստել ուղիղ։ Ձեռքերով հենվել աթոռի վրա և ուսերը բարձրացնել հնարավորինս վեր ու իջեցնել վար՝ թուլացնելով (կատարել 2-3 անգամ)։
• Ձեռքերը դնել սեղանին, թիկունքը պահել ուղիղ, ճկվել կրծքային հատվածում՝ միմյանց մոտեցնելով թիակները, թուլանալ (կատարել 2-3 անգամ):
• Նստելով սեղանի շուրջ՝ ձեռքերի դաստակներով ամբողջ ուժով սեղմել նրա վրա գտնվող որևէ առարկա, ապա թուլացնել ձեռքերը (կատարել 2-3 անգամ):
• Գլխի պտույտներ. գլուխը դանդաղորեն տանել աջ ու ձախ, վերև-ներքև (կատարել 2-3 անգամ):
• Գլուխը դանդաղորեն խոնարհել դեպի ուսերը:
• Նայել էկրանին 2-3 վայրկյան, ապա հայացքը տեղափոխել դեպի պատուհան, նայել 3-5 վայրկյան:
• Ընտրել հեռվում գտնվող առարկա, հայացքը կենտրոնացնել նրա վրա, որպեսզի տեսանելի դառնան նրա փոքր դետալները, երբ դա հաջողվի, հայացքը տեղափոխել դեպի քթի ծայր
• Ամուր սեղմել աչքերը 3-5 վայրկյան, ապա բացել դրանք 3-5 վայրկյանով (կատարել 2-3 անգամ)
• 1-2 րոպե արագ թարթել աչքերը:
• Փակել աչքերը, մատով մեկ րոպե պտույտներ գործել նրա շուրջ:
• Յուրաքանչյուր ձեռքի երեք մատով թեթև սեղմել աչքի վերնամասը, իսկ 1-2 վայրկյան անց դադարեցնել դա (կատարել 2-3 անգամ):
• Կիպ ծածկել ու լայնորեն բացել աչքերը (կատարել դանդաղ, 2-3 անգամ):
• Նայել ներքև, վերև, աջ, ձախ՝ առանց գլուխը շարժելու (կատարել 2-3 անգամ):
• Աչքերով պտույտներ գործել՝ ձգտելով հնարավորինս շատ տեսնել կողմերը:
• Փակելով աչքերը՝ խորը շունչ քաշել, ապա բացել աչքերը՝ խորն արտաշնչել:

Հարցեր, պատասխաններ, մեկնաբանություններ